E tele le sao o itu lelei o tama e toalua o Vaiusu, ile faiga o le faatatau ale Faamasino o le faamasinoga Maualuga, Justice Vaai ile vaiaso nei.
Ole faaiuga a Justice Vaai, faasaga i le to’alua lea, i o la sootaga ile maliu o Penitito Asi Mamoe ose alii talavou o le latou lava nuu o Vaiusu.
O tama ia e to’alua o Vaiusu, Ulugia Lomalasi faapea se alii leoleo , ia Khamtahn Stanley..
O Stanley na faamaonia lona faaoliima ogaoga, ma faasala ai i le $3000. Ae o Ulugia Lomalasi Laufili na faamaonia lona faaoolima ma faasala i le $500, ole toalua lea na molia i o la sootaga i le maliu ose alii 20 tausaga i le 2019.
Ae o le faaiuga lea a le faamasino ole faamasinoga maualuga na faatoa, maua mai ile amataga o le vaiaso nei.
Ma faatonu e le Faamasino: Justice Vaai, ia oo atu ile 4 ile afiafi o le Aso Faraile o le vaiaso nei ua uma ona totogi a la sala tupe, a leai, e tolu vaiaso e falepuipui ai Stanely ae lua vaiaso mo Ulugia i le toese i Tanumalala. Na faamauina e Justice Vaai, le ogaoga o le solitulafono, ua faia ai le faaiuga a le faamasinoga Apili e faamaonia o la moliaga.
Ae o la’ua uma foi o matai o le latou nuu o Vaiusu. Ae o le amataga mai ole faamasinoga lenei, ile masina o Ianuari sa valaau i le Faamasinoga faaitumalo, ma ioe ai la’ua i moliaga o le faaoolima tuga, ma talosaga ai Stanely e faaleaoga ma leai ni moliaga i lalo o le tulafono Act 2016 vaega 69 o faasalaga ma sa talia e le Faamasino ia Leota Raymond Shuster. Faapena foi ia Ulugia Lomalasi.
Na toe apili le mataupu lenei i le faamasinoga maualuga, Peitai a’o lei faia le faaiuga a Justice Vaai, sa ia tagai i itu lelei o la’ua oi luga, pei o le matai tausi aiga, sa fesoasoani ile lau’ava, faamoemoeina i mea fai a nuu ma ekalesia, ua uma ona faatoese, ua ia talia lona sese,
Na faamauina e le Faamasino, le auai o Ulugia i le soligatulafono, ae lei tele lana sauaga faatusa i le leoleo. $500 le sala, ia totogi e le ta le fai ole Aso Faraile nei, 30 Setema, a leai e lua vaiaso e falepuipuia ai. Ae mo Stanley, e
$3.000 lana sala, e tatau ona totogi ae Lei taina le itula 4pm le aso Faraile 30 Setema, afai e leai o le a nofo sala le falepuipui mo le tolu masina.
