Tala toe tuliloa, ua faamuta aloaia le Arts Festival o le taga tatau , lona 18, ile Tisas i Alega, a le Susuga a Su’a Ala’ivaa Tikeli Loli mai Faleasiu ma Vaipu’a’ Savaii, ile aso ananafi, Aso Sa 29 Oketopa 2023.
Ma umusa ai le malofie ma le malu , ole alii ma lona tuafafine. Faasegi Mua ma Railani Mua o Leone Amerika Samoa.
Peita’i o loo faaauau pea le galuega mo lenei masina ma le faasolo atu ile masina fou o Novema, ona e tele galuega o loo faatali.
E aofia ai malofie e lua ua toetoe ina mae’a. Ae o malofie ma malu ua mae’a o ona faaulu ma lesitala e faasolosolo ai lo latou taina ma toe taliu ai le au tufuga i Samoa pe’a mae’a.
O le faaiuga o le masina nei foi e malaga ai le au tufuga i lesi faaaliga o tu ma aga o ta ga tatau i motu o Falani Polenisia, e faia i Makesa i lona motu o Nukuhiva ile masina o Tesema.
Peitai o saunoa le susuga a Tisa Faamuli o taulamua Faaaliga o tu ma aganuu ile toe faaolaina mai ole ta ga tatau i Amerika Samoa, o lona mana’o ia tuu atu le agaifanua lenei i fanau talavou, e latou te faaauau ai le tausia pea e Samoa uma ile lalolagi.
