O lo’o valoia e le au vaai tau, le ono aafia ai o Samoa ise afa, ile va o Novema ia Aperila ole tausga fou.
Ua maitauina lava e seasea ona pupu’e se afa, ae a tupu, pe faatasi lava ile tausaga, e sili atu aafiaga o vaega ole motu i Savaii, i Palauli, Vaisigano, ma Gagaifomauga, ole itu i matu ole motu.
E fetauai lava ma le vaitau ole taumafanafana, i masina i luma ane o Me ia Iuni ma le uma ane o Oketopa ia Novema. O aafiaga o matagi afa i Samoa sa tele ilava i nofoaga tu maulalo, peita’i ile 12 masina talu ai, e le’i afaina lava nofoaga maualuluga. O isi faalavelave faalenatura o aafia ai Samoa, pei o galulolo.
O loo faaauau lava ona mata’itu e le Ofisa Vaai tau i Mulinuu, suiga ole tau, ma tuuina atu lapataiga talafeagai ai.
Ae o loo fautuaina lava le nofo tapenapena pea i tami uma, ile vaitau o afa, ma mata ala i taimi o lapata’iga mo afa, fautuaga o soo se taimi e faalauiloa atu ai, e tuuititia ai soifua maimau.
Masani ai lava o matagi afa ole teropika e omai faatasi lava ma timuga, afua ai lologa ma tafega, tafia ai nofoaga tu maulalo, ma matagi malolosi.
