Ua faalauiloa mai ai nei i tua le tusi ta’iala poo aiaiga o tagata faigaluega i Samoa faale tausaga 2021/2022-2025/2026.
Ole faalua ai lea ona toe tuliloa lea faiga alualu mamao e mataitu ai tagata faigaluega i le atunuu.
O le afioga i le Minisita o Pisinisi , Alamanuia ma Leipa, Leatinuu Sooialo Wayne Fong, o le sui Palemia le tumau, na saunoa faapitoa i le faalauiloaina o lea faamoemoe i le 7 ile afiafi ananafi, i le faletalimalo o le Tanoa Tusitala Hotel.
O le SNEP Samoa National Employment Policy, ua auga i le faatupuina o avanoa faigaluega e le gata i Samoa nei lava, ae o maketi faalevaomalo.
Ua fafau mai lenei faamoemoe lona lua mai taunuuga o le laasaga muamua o le SNEP 2016-2020, o faamaumauga mai le suesuega na faia e le Labor Force Survey 2017 ma le Labor Market Survey 2019, ma aafiaga o pisinisi i le taimi o le Covid-19, ae o galuega ma aiga i Samoa.
Sa faia foi faatalanoaga mo le faalauiloaina o lenei aiaiga lona lua, sa faia i Upolu ma SAvaii, o faalapotopotoga tumaoti. O le vaaiga mamao a le SNEP, ile taimi nei, e oo atu i le 2026 ia toe faaleleia tulaga tau galuega, ia toe faaauau, faaopopo ma faatumauina pea le maua o galuega ae o le numera o tagata faigaluega.
O le laasaga lea ua iai nei, mo lesi fa tausaga o lumanai, e tolu ona vaega taua, 1 Ia faamalosia le maketi o galuega labor, 2: Ia tapena lelei tagata faigaluega leipa, 3:Toe tapu’e aiaiga mo galuega, ma tulaga faaletulafono o le siosiomaga o tagata faigaluega.
Ma faafetaia ai e le afioga i le Sui Palemia le tumau, o le Minisita o Pisinisi Alamanuia ma Leipa i le faalapotopotoga a le ILO International Labor Organization i le fesoasoani e atina’e le laasaga i luma ole SNEP 2021/22-2025/2026, ae o le faaleleia o mataupu tau galuega labor ma lona tulaga e tatau ona iai i Samoa.
Ma faapena foi ona faafetaia paaga uma na galulue i le faatinoga o lea ta’iala, Ma ole agaga foi lena ole saunoaga a le Ofisa sili o le Matagaluega, Susuga Pulotu Lyndon Chu Ling.
