Ua uma ona faia le faatalanoaga i le va o le pulega o le Toomaga mo e Puapuagatia, SVSG, ma se vaega o faiaoga ma pule aoga ile tatou atunuu.
Ole faatalanoaga lea e faatau ile poloketi lea o loo faatupe e le malo, le Ending Violence against Women and Girls, poo faamuta o sauaga faasaga i tamaitai.
O le manaoga o le Toomaga ia faaaoga tama talavou mai aoga ia , ile polokalame , e latou te faia ni ata faaleaoaoga, ma faalauiloa i luga o fesootaiga televave, e una’i aai le mau tauave lea ua faalauiloa, o le Faamuta o Sauaga faasaga i tamaitai.
I faamaumauaga a le Toomaga o ta’ua ai, le tuuina atu i faiaoga ma pule aoga na auai ilenei faatalanoaga, faamatalaga ole faamoemoe. Ia faaoo atu i tama aoga i a latou aoga.
Ma na faaiu lava le faatalanoaga lenei , i le filiina lea o autu, e ave iai le faamuamua i polokalame faasolo a aoga eseese, e fua iai a latou ata videos ma manatu poo faaupuga e momoli atu ai le feau ole “Faamuta o sauaga faasaga i Tamaitai”.
