E fa pitonuu o le afioaga o Satapuala ua faia faafiafiaga mo Samoa atoa. E iva ona falesa o tapuaiga eseese I le nuu. Ole aso lenei 3 Setema 2022 ua atagia ai le loto tasi ma le felagolagomai ole nuu.
Na amata mai le solo a taavale male savali faaaloalo a pitonuu e fa mai le 7am ua amata le savali mai le Malaevaalele I Faleolo. O pitonuu e aofia ai: Faletasi , Sasolomua, Vaia’ua’u, ma Salele’a.
Ua latou faatino faafiafiaga felanulanua’i. O siva Samoa , o mauluulu ma faataupati. E tofu lava le pitonuu ma ana ia ata o tifiga faale agaifanua . Ae aui le aso Ile fealofani male tali tali e faatasi. A’o silamio le vasega o Faafegaiga ole afioaga.
Ua atoa foi mamalu ole Aso Soifua o Samoa I Satapuala Ile auai mai o Sui Ole Malo. Minisita o Faamasinoga, Afioga Matamua Vasati male Faipule Ole itumalo nei o Aana Alofi 4 , Afioga Toesulusulu Cedric Schuster, Minisita o Oa Faanatura male Siosiomaga.
Mole itumalo lava lenei o Aana Alofi 4 oloo faagasolo atu Ile vaiaso fou faafiafiaga . Ole uiga ese lea ole faamanatuina ole 60 o Samoa, O sao o itumalo male mitamitaga o ona tagata nuu oloo molimauina I lenei faamoemoe Tele o Samoa..
