Sao o tamaitai manumalo mai Sauaga

SHARE NOW

E tusa o le 20 tamaitai poo tina talavou na fofoa ane soifua ile lotoa ole Campus of Hope i Tuanaimato, ua toe foi ane nei e ofo fesoasoani i le taua o faia nei e tetee atu ai i sauaga faasaga i fanau ma tamaitai.

E iai le talitonuga o le pulega o le Toomaga mo e Puapuagatia, o tagata tonu nei o le’a maua ai se isi toomaga o Samoa faasaga ile sauaina o tamaitai ma fanau ile atunuu.

E le’o faaititia lea faaletonu fua i faamaumauga a le Toomaga. O aso uma lava e taunuu ai lipoti o mataupu tau sauaga.

Mai aiga, o aoga, faalapotopotoga.  Peita’i o le faaiuga o le vaiaso na maua ai se feiloaiga faapitoa a le Pulega o le Toomaga ma tamaitai nei , ua toe foi i tua i o latou aiga, Ina ua manuia a latou mataupu.

O le feiloaiga  e fuafua so latou foi sao ile fofoina o le faafitauli o sauaga o Samoa.
Saunoa le afioga i le Peresetene, Siliniu Lina Chang, e tatau ona faavae e tamaitai nei se isi faalapotopotoga fou, ona faatalanoa ai lava lea e latou o fofo mai totonu i o latou loto, aua o latou tonu lea sa aafia.

Na talanoa ai le tina talavou ia Tua, e le mafai ona galo le mafutaga.

O ia ua fai lona aiga ma le fanau, e lima tausaga o nofo i le totonu o le Toomaga, ma aoga ai tomai tau i le olaga o aso uma.

Ua avea ai nei foi i latou ma tina nofotane, ae ua iloa fai o latou aiga. ma atina’e i pisinisi laiti sa a’oa’o atu i le Toomaga.