E 10 nuu o Savaii ma le tolu i aiga tai ile motu o Manono -tai, ua oo atu iai aafiaga o le Dengue fever, e tusa ai ma faamaumauga lata mai a le Matagaluega o le soifua maloloina, o le aso 22 o Aperila 2024.
O Upolu lava ia, ua toetoe lava o itumalo uma, ua oo iai le siama, peitai o loo numera silia ai le tele o nuu i le itu atu i matu sisifo o Upolu,
Ma o loo faaauau ai pea ona fautuaina le atunuu atoa, e nofo uta ma faatamaia nofoaga e tuufua ai namu, o loo feaveaia le siama o le Dengue.
Ile taimi o le lipoti, e 34 isi gasegase na faamaonia le maua ai ole siama, ma oo atu ai iile 250 tagata ua pisia, i totonu o le ono masina, talu mai Novema o le 2023.
O mafuli lava tagata pisia i tamaiti, ma tagata matutua 60 tausaga i luga.
Ole fautuaga o loo faalauaitele mai e le soifua maloloina ina ia fesootai se falemai lata ane mose fesoasoani, pe a mana’omia.
