Ua maitauina e le Matagaluega o le Soifua Maloloina le faatupulaia pea o le tagofia e tupulaga o Samoa o le isi ituaiga sikareti ua faaigoaina o le Vape, o lea sikareti e na o atunuu i fafo e tele ina latou faaaogaina.
Peitai i le polokalame fa’apitoa a le Matāgaluega, o lo’o fa’amanino ai e le susuga i le Ofisa Sili Lagolago iā Christina Soti Ulberg, le tulaga ogaoga o a’afiaga o le soifua o so’o se tasi, ona o le tapa’a.
I le taimi nei, e matuā sā i lalo o le Tulafono o Puipuiga ma A’afiaga o le Tapa’a 2008, ona ulaula se tasi i nofoaga faitele fa’atasi ai ma le tapu ona maketi fa’asolitulafono se sikaleti e aunoa ma se laisene fa’atulafonoina.
Saunoa Ulberg, o le Vape e tupuga mai i le ‘upu peretania o le Vaporize, o le tapa’a ua fa’aāoga le ma’a e ola ai, ona susunu lea e le na ma’a o le vailā’au o lo’o i totonu ma maua ai le asu o lo’o manavaina e tagata ulaula
O le mea moni e faigata ona mateia e matua ma tagata matutua lenei ituaiga sikareti, aua e foliga e pei o se memory stick, vali laugutu, penitala po’o foliga fo’i o le fagu fa’amanogi ma e faigofie ona ula ina e soo se tamaititi.
Ma ua faamaonia mai e le Soifua maloloina e ogaoga aafiaga o gasegase eseese e ona maua ai le tagata o loo taumafaina nei ituaiga sikareti ae sili ai o le tagata o loo ia manavaina asu o lenei sikareti.
