27 Novema 2024 O le Au Pa’i a Tama Samoa olea auai atu mo le uluai taimi e taalo ile taamilosaga ole ipu a Ausetalia, e faia ile Setete o Kuiniselani.
O se tala faasolopito ile au lakapi Pai a le Atunuu le auai atu lea e fai ma sui o Samoa mo lana taamilosaga lakapi lea olea tausino ai ile ipu a le Queensland Touch State Cup lea e faia lea i Coomera, Cold Coast i Ausetalia.
O lea taamilosaga olea amatalia ile aso 29 o Novema 29 ole aso a taeao seia o’o ia Tesema 1 , 2025.
Ma ua fa’ailogaina ai foi se matati’a tele mo le Samoa Touch Rugby ma ose la’asaga taua lea mo ta’amilosaga fa’ava-o-malo i le lumana’i, e aofia ai ma le Touch World Cup i Niu Sila ile 2028.
I le mae’a ai ona manumalo i pine auro e tolu i Ta’aloga a le Pasefika 2023, ua naunau ai loa le ‘au e fa’aalia o latou tomai i tulaga o le lalolagi.
E ui ina misi ile Ipu a le Lalolagi Touch rugby tausaga nei 2024 ona o le faaletonu I vaega tau tupe, ae o loo tumau pea le naunautaiga o le Samoa Touch Rugby Incorporated i le atinaeina o le taaloga ma le tuuina atu o avanoa mo ana tagata taaalo.
O le ‘au, e tusa ma le 25 tausaga le matutua, e aofia uma ai tama taaalo mai Samoa ma Ausetalia, ma e aofia ai ma tagata taaalo e laiti i le 15.
Na faaalia e le Faiaoga Ulu o Kalolo Lepou le mitamita i mea ua latou ausia, ma faaigoa ai le amataga o se taimi taua mo le Samoa Touch Rugby.
Lisi a le Au:
– 12 tama taaalo a Samoa
– 4 tagata ta’aalo a Ausetalia
– 4 le aufaigaluega pulega
O le auai o le ‘au i le Ipu a le Setete o Kuiniselani, o se faamaoniga lea o lo latou galulue malosi, naunautai, ma le faamoemoe e unaia ai le isi augatupulaga o tagata taaalo a Samoa.
