Ua agavaa ai nei le au soka a Samoa ile vaega a le Group B o taaloga oloo faagasolo mo le sailiga ose au a le tatou itu lagi, Oceania mo taaloga soka, FIFA WORLD CUP 2026 i Canada, Mexico ma Amerika i matu.
Ua faamalo ai le alii pule o faasalalauga a le OFC Oceania Federation Confederation, Matt Brown, ile au a alii Samoa, ina ua mafai ina agavaa mo lesi laasaga ole taaloga, Group B stage.
Ma olea malaga atu i Vanuatu ile masina fou o Oketopa ile taaloga ma Vanuatu ile aso 12, ae mulimuli ane ai taaalo ma Tahiti i Hamilton, ia Novema 15, ma le taaloga ma Niu Sila i Aukilani ia Novema 18.
O ta’ua e le susuga Matt Brown o tapenaga poo taaloga nei oloo faasolo pea, e saili ai se au mo le ipu ole soka a le lalolagi.
E aofia ai ma le taaloga lea i Vanuatu, e taaalo ai Vanuatu ma le au Tahiti i Port Vila, ia Oketopa 12, ma toe taaalo ai Vanuatu ma Niu Sila i Hamilton, ia Novema 15, ma toe taaalo ai foi Vanuatu ma Samoa i Aukilani ile aso 18 Novema.
O au e lua e manumalo mai ai i lea vaega ole tauvaga a le Group B, e saili ai le Semifinal i Niu Sila ia Mati 2025.
O soka a le OFC lea oloo faagasolo nei e saili ai sana au, ole taimi muamua lea olea ofi sa’o atu ai lava se au a le OFC i sailiga siamupini ole soka ile lalolagi, peita’i o lona 16 ai lea o taaloga world soccer o agavaa atu pea le Oceania, ae o le taimi muamua lea ua avatu sa’o ai lava lana au fili i taaloga ole ipu ole lalolagi 2026.
Ole faiaoga ole au soka a Samoa ose tamalii lauiloa ile taaloga, Jess Ibroms.
Taimi nei oloo umia e Argentina le siamupini ole soka a alii, ole 2022. Ole FIFA Federation International de Football Association, na faatuina mai le 1909, ua oo atu ile 209 au a malo aufaatasi ua iai, o lesi lea taaloga faalapotopotoga taaalo lauiloa ike lalolagi.
I faamaumauga a le FIFA, e lata ile 4 afe au soka faapolofesa ua lesitala ile lalolagi, tusa lle 128,000 tagata taaalo, peita’i e oo atu ile 240 miliona tagata lesitala ole taaloga soka ile lalolagi.
Ole Group B lea ua ausia e le soka a Samoa e tauva ai ma isi au soka malolosi e fa a le Oceania, e aofia ai Vanuatu, Tahiti ma Niu Sila, lea ua faagasolo ai ana taaloga ile masina lenei, Setema, Oketopa, Novema ma ole semi final ia Mati 2025 e faia i Niu Sila.
