Ua toe malaga atu ai le Susuga Tiumalumatua Maifea Fetu i Ausetalia. Peita’i o lea na folafola e le afioga i le Failautusi aoao a le FAST, Vaaoao Alofipo le taga’i lea e toe apili le faaiuga a le faamasinoga.
Ole faaiuga lea ua saoloto ai nei Tiumalu Matua, ma toe foi atu ai i lona aiga ma uo, o loo faamuli mai Ausetalia. Ole faamasinoga lea i luma o lana afioga i le Faamasino, Judge Leota Ray Schuster.
Na ia faaleaoga ai lea mataupu, poo moliaga a leoleo o le taufaifai ma le faalumaluma ile taitaiga o le Malo o le Fast. Ole faamasinoga lea sa le mafai ai e leoleo, ona o latou avatu ni mau maumau tutu e faamaonia ai a latou moliaga.
Mai le silia i le 20 video clips poo ata o molimauina mai e le na tagi, na avatu i leoleo, Ae lei mafai e leoleo ona avatu i luma o le faamasinoga, ni mau e famaoania ai a latou moliaga.
E ui ina talia e le faamasinoga ole faasalalauga sa tupu, peita’i e le’i mafai e leoleo ona avatu ni faamaoniga o aafiaga oi latou na aafia i na faasalalauga.
Ma agavaa ai loa Tiumalumatua e toe foi i lona aiga i Ausetalia. Ma lana tala ina ua tatou fesiligia, ole feau na ia fia momoli atu o le feau mai le Atua. Ae o ana faamanuiaga ile faigamalo a le FAST.
