O le leoleoa o tuaoi i taimi o malologa a aiga, ile tapuaiga o taaloga lakapi a ana au lakapi, ose avanoa le aumaua lea e feei ai ile mea e gata ai le ee fiafia a le tagata ia ile tuga o le po, e aunoa male faalavelavea e isi foi tuaoi.
Ae o saunoa le tama matua ia Iuni Mauga o Tulaela, e le’o aiga uma e iai televise ma feei faapea ise leva ole po, ae o le vaveao. Pei o lona aiga e leai sana televise.
Peitai ua talia lava lea faamalomaloa, ma le solitulafono a aiga ona ole tapuaiga o taaloga a fanau i atunuu mamao.
Talanoa le tama matua ia Iuni, ole taaloga lea a le Toa Samoa i le tolu ile vaveao analeila, na amata ai loa ona le toe mafai sana moe e oo lava ina uma le taaloga, aua e silia ile itula le umi. “E iloga gofie lava ua sikoa le Toa Samoa, pei lava e i a faatasi le feei a tuaoi, ae sa na’o lo’u tao’ototo lava ma atili ai ona pulou taa’i le ieafu, ua le mafai ai ona ou toe moe.”
Peita’i ose taaloga na molimauina le taufa’i malolosi o au e lua, ae na malo lava le Toa Samoa ia Toga, 20-18.
Ua tapena atu ai nei le Toa Samoa ile la taaloga ma Egelani, ile Semi final, ole ipu o le lalolagi, o Lakapi liki, ae taaalo Niusila ma Ausetalia, i lesi Semi final, e saili ai au e taaalo mole Siamupini o le Lakapi Liki i Egelani 2022.