Ua sauni nei sui tauva a le FAST mo palota laiti a itumalo o Faleata Fa, le tofa a Ale Vena Ale, le itumalo o Siumu, Tofa Tuu Anasii, ma le Itumalo o Vaa o Fonotia ile afioga a Mauu Siaosi Puepuemai.
Ae o le fautuaga tele ua tuuina atu iai e le taitaifono ole FAST, Laaulialemalietoa Polataivao Leuatea Schmidt e fai ma fofoga ole Pati, ia tautuana e mataala i magaala esese o loo ui mai ai le fili.
Ia usitaia tulafono o tapena i faigapalota ia sao ma uli le faamoemoe. Saunoa Laauli: “Ua tatou vaavaai nei ua maai mata o le tulafono.. ua vaavaai vale foi le fili aua o se sene apa e te toe avea i le asō, o lou lē alofa lena ia te oe ma le tatou itumalo..”
Peita’i ile maitau pe afai ae toe foi mai Faipule ne e tolu a le FAST o le a atoa ai loa e fainumera o faipule o le Malo a le FAST e mafai ai ai ona o latou faia ni suiga tetele i le Tulafono Faavae o Samoa.
E aofia ai ma le palota mai o tagata nuu Samoa o loo aumau i Atunuu i fafo.
O tagata Samoa i atunuu i fafo, lea o loo tupe silia lo latou sao ile tamaoaiga o Samoa i ana tupe faamomoli mai fafo.
Peita’i ua faamautinoa mai ele Minisita o le Kapeneta, na tatou fesiligia, le faasolosolo malie mai lava o fuafuaga alualu mamao a le malo a le FAST e aofia ai ma le palota mai o tagata Samoa i fafo.
E mautinoa le faaititia o palota a itumalo uma nei e tolu i le palota laititi, talu galuega faavaitaimi ua malaaga atu ai tagata palota i Niusila ma Ausetalia ae o Amerika Samoa
