O le taimi muamua lenei ua mataina ai le maopopo o le au soka U16 a tamaitai Samoa i Aukilani, e aofia ai ma tamaitai Samoa lava ia toa fa lea na malaga atu i le Aso Faraile o le vaiaso ua mavae, mo tapenaga i le taamilosaga soka a tamaitai U16 e faia i Aukilani Niusila.
O le au soka a tamaitai mai Papua New Guinea ua faamauina o le au muamua lea, o lea tauva ma le au a Samoa i le Aso Gafua 17 Iuni 2024, ae Aso Tofi 20, iloilo ai loa ma le ‘au a Amerika Samoa.
O na taaloga uma o le faatinoina lea i Ngahue Reserve Field 1, ma e tasi le vaiaso o loo faamoemoe e faatino ai le taamilosaga o loo auai ai le au a lo tatou atunuu, amata atu lea i le aso 14-20 o le masina nei.
Manuia le faamoemoe i le ‘au a tamaitai o loo fai ma ave fu’a a lo tatou Atunuu, Manuia foi lau tapuaiga Samoa ????????
