Ua faamaonia mai ele Konesula o Samoa i Amerika Samoa, le Afioga ia Fata Brian Kaio e 21 le aumalaga poo sui usofono lea e fuafua mole territory i le latou fono ma ta’ita’i o malo o Tutuila, ole Atoa o Samoa talks ile aso 12 ma le 13 o Aperila o le tausaga nei.
Na saunoa Fata ile faatalatalanoaga ma lau Leitio Polenisia e faapea, o le au usufono lenei olea taitaia e le tamaitai palemia le afioga ia Fiame Naomi Mata’afa o le a tuua le atunuu i le vaiaso nei mo Amerika Samoa Na ia saunoa foi o le auusufono e aofia ai ofisa sili aoao e toa iva.
Ese mai le Minisita o le Matagaluega o galuega tetele ma Felauaiga le afioga ia Olo Fiti Vaai, o le Minista o le MPE poo le Ministry of Public Enterprises le afioga ia Leatinuu Sooialo, le Minisita o Tupe, le afioga ia Mulipola Anarosa ma le Minisita o le Soifua maloloina le afioga ia Valasi Tafito Selesele O le fonotaga mulimuli a Atoa o Samoa lea na faia mai i Samoa ia Oketopa ina ua faamaonia ai e malo e lua ni maliliega.
Na aofia ai ni mataupu eseese e amata mai suiga o le siosiomaga, fefaatauaiga, lafoga o le malaga ese atu e na o pasese e malaga atu i Samoa Amerika, puipuiga o tuaoi, mataupu tau femalagaaiga, ma taaloga i motu, faatasi ai ma nisi o maliega.
I lea fonotaga na malilie ai e faalauiloa le taua o fefaatauaiga i le va o Samoa ma Amerika Samoa e taulai atu i le faamalosia o le auina atu ma le gaosiina o oloa i le va o atunuu e lua, ma ia lagolagoina le eseese o tamaoaiga i le lotoifale.
Na faailoa foi e malo e lua le taua o le pisinisi o turisi i le atiina o Samoa uma e lua aemaise lava o le taumafai e toe faaleleia nisi o vaega sa faaletonu talu mai sa mavavao o le koviti 19.
Ma o lea aofia ile fonotaga o le a usia le taua ole atinaega o pisinisi mo atunuu uma e lua.
