Ua faalauiloa mai nei e le Pulega o tagata maimoa mai fafo, o le aso 20 ma le aso 21 o le masina lenei ua atofa e faatino ai se solo tele poo le parade ile itula e 5 ile afiafi, mo le tama o le tausaga, ma faatino ai soo se faafiafiaga mo le Kirisimasi i luma o le fale o le malo ao lumanai ai le Kirisimasi.
Ma ua valaaulia ai le mamalu o le atunuu o alo ma fanau iti ina ia auai mai i aso ua atofaina e faaituala lua i luma o le auala o lea mafai ona tufatufa mai ai ni meaalofa mo fanau iti.
Peitai e lea iai foi ma autalavou o faalapotopotoga o lea mafai ona faafiafia i lea po, ae o le po muamua lava ia o lea tatala ai e le Pulega o turisi pesepesega ma faafiafiaga.
Ae o lea faia faatasi ai foi ma le night market poo le maketi o meaai eseese i tua o le fale o turisi aua le fofoga taumafa o le mamalu o le atunuu.
Ua faamanino mai foi e le Pulega o turisi o le tausaga lenei o lea faapapa ai moli poo fireworks mo Savaii ae o Upolu foi i le uafu Matautu.
O le auga ma le faamoemoeo nei tapenga uma e le gata mo le faamanatuina o le Kirisimasi mo turisi ua asiasi mai ae sili i lea o fanau o lo tatou atunuu.
