E 23 le aofa’i o malu o le malo mai le Matagaluega o leoleo o le a malaga i Ausetalia mo a’oa’oga masani faakapeteni ma le tausiaina lelei o le vaa o le Nafanua II ao lei aumaia i Samoa.
Na faamaonia mai lea e le Komesina o le Matagaluega o leoleo ma Falepuipui le afioga ia Auapaau Logoitiono Filipo.
Peitai Ua i ai le fuafuaga o le amataga o le tausaga fou 2024, o le a taunu’u mai ai i fanua le va’a e sui tulaga i le Nafanua II lea sa fa’aletonu.
O le famoemoe o lenei vaa ia mataitu lelei o tatou tuāoi fa’avāomālō i ogāsami o Samoa, ina ia mautinoa e leo fagota fa’asolitulafono e nisi, po’o auala mai ai fo’i vaa faasolitulafono ma ni oloa e le faatagina e pei o laau faasaina.
Ma ua iai le fuafuaga a taunuu mai le vaa lea o le Nafanua ile amataga o le tausaga fou 2024, o lea galulue faatasi lea ma le vaa na ofo mai e le Malo o Iapani ile masina ua mavase o le Tilafaiga mo le puipuiga ma le malu lelei o tatou gataifale.
O le vaa lea o le Nafanua 2 na faaleagaina ina ua paulia i le gataifale o Salelologa ile tasuaga e 2021 i se malaga faatopetope a leoleo ise faalavelave na tulai mai Salelologa
Peitai na le mafai ona faaleleia iinei ma toe auina atu ai i Ausetalia mo le faaleleia atili.
Ma o le taua foi lena o le auai atu o malu nei o le malo e toa 23 ua filifilia mo aoaoga o tomai ma le iloa ile tausiaina lelei o nei measina a le atunuu.
