Ua faalauiloa aloa’ia ai nei faalaua’itele e le Taitai o le vaega faaupufai a le FAST Faatuatua ile Atua Samoa ua Tasi, Afioga i le Palemia Fiame Naomi Mataafa, le sui tauva e taoatasi, ua ave iai le lagoalgo a le FAST mo le palota laititi a Gagaifomauga 2, ia Iuni 3 2022. .
“Ole Tofa a Lomia Tauloa Moafanua Safuneituuga Sia’aga” mai Safune Savaii.
Saunoa le afioga i le Taitai, “mo le silafia ole atunuu, ole filifilia o le sui le tofa a Lomia, o ia o se tasi o sui auai faavae ile amata ga mai, sa galue vava lalata ma le tofa a Vaele i le palota o le 2021, ma faaauau mai ai lana lagolago.
“E le gata ina galulue faatasi ma Vaele i tapenaga, ae o lana galuega i le vaega faaupufai i tulaga lautele faataatitia.
“O loo tulai mai pea Lomia o loo ia mulimulitaia pea anavatau a le FAST. O le galuega na amata iai le tofa a Vaele, o le’a faaauau pea e le sui o le a filiflia e le FAST.
“Ole anavatau ua faataatia ma faagasolo, mo le manuia lautele o le atunuu.
“Ua iai vaega o tupe na faasoa atu e le malo i vaega esese ole atunuu, e lagolago i faamoemoe, pei o pisinisi , faalapotoptoga , auaunaga, ma tagata e iai manaoga tumau, ua amata ona tatala atu vaega tupe a le malo, ina itu ole atunuu mo le lagolago i o latou faamoemoe, ole vaai taula’i lena a le FAST, pei ona saunoa le Afioga i le Palemia.
O le tele o galuega, o loo lanutasia ai itumalo , pei ona iai le itumalo o Lomia, i atinae o auala galue, ole auaunaga o le suavai, sa ave iai le faamuamua, ma taligalu.
E talanoa foi i tupe ua faasafua atu i le atunuu, e fatupu ai atinae.
Ua silafia le poloketi $1miliona tala, a le itumalo.
O le poloketi lenei e $200afe tala, mo itumalo tauala atu i komiti ua fili. i mea ua manatu itumalo e ao ona atinae ai vaega esese.
O lesi lea vaega o feagai ma faipule o itu e lua. Ia faasafua atu i le atunuu atoa lenei fuafuaga.
Peita’i ole faalauiloa aloaia ai ole sui faatu ale FAST Lomia Tauloa Moafanua Safuneituuga Sia’aga, sa galulue vavalalata tele ma le faipule ia Vaele, ma na ia saunoa,” pe’a tofia lona faatauvaa, ole’a ia faaauauina fuafuaga faataatitia ua mae’a ona fola mai e le Tofa a Vaele mo le itumalo,
