O le aso lenei e taofia ai le gaosiga o le Vailima i Samoa, ae faasee atu i Fiti mose taimi le tumau.
O lea suiga, o le’a maua ai se avanoa i le pulega fou, e toe gaosia le Vailima iinei, Susuga Charlie Vaai ma Beatrice Ott, e tapena ai mo lena laasaga.
Peitai o nai taimi mulimuli ole faatuuga i Samoa, ua gaosi ia lava Vailima, mo le masina o Oketopa ma le masina o Novema. Ae faato’a aumai ai le Vailima mai Fiti , mo se taimi le tumau, amata ia Tesema.
Ae e faaauau lava ona maua le pia Vailima Draft e oo atu ia Novema 2022. Ae o le aoaina o atigifagu vailima e faaauau lava e oo i le tausaga fou, ia mautinoa e faafoi uma ane atigifagu, mo le Samoa Brewery ia lava fagu mana’omia.
E toa 34 mai le 50 tagata faigaluega o le’a aafia a latou galuega ona o lea suiga ile avatu o le Vailima e gaosia mai Fiti. Oi latou ua afaina galuega, ua avatu iai ni fetuunaiga poo totogi e faafetaia ai lo latou sao ile auaunaga mo tausaga na galulue ai mo le SBL.
Ae ole a faaauau lava ona faatau e le SBL, ana faguinu, e ese mai le Vailima o le’a gaosia e faipisinisi ia Mr Vaai ma Ms Ott, ile taimi e amata ai Samoa.
