Ae o le faagasolo mai ai ile faaiuga o le vaiaso, ile po ole Aso Toonai, na faatumulia atoa le faletalimalo o le Lava i Sogi.
E silia i le 1,500, le atunuu na lagolago ma molimauina faafiafiaga a le Punialavaa. Na auai atu foi iai le afioga le Palemia, ma minisita o le Kapeneta, ae o mamalu o malo mai fafo, ma aufaipese faaopopo ile polokalame togia, na taulamua ai le Susuga a Lale ma le faletua ia Vigi ma o la alo.
Molimauina ai foi le alo o Samoa i Ausetalia, Jai Opetaia, siamupini i le lalolagi, i lana paga, i fusuaga. Ole aso Aso Gafua sa ia asia ai le Kolisi i Maluafou, ma feiloai ai foi ma le vasega o Tusitala i le Taumeasina,
O le Susuga Su’a Hessed Ieremia na fai ma fofoga autu ole afiafi.
Peita’i i le faagasolo mai ai le aso lenei, mai lava i le itumalo o Aana alofi 4, o faafiafiaga faaleaganuu a le afioga o Faleatiu.
E ese mai nuu ma itumalo i tua polokalame masani o loo faia i luma maota o le malo i le eleele fou, ma le nuu i Tulisi ma faasolo atu ai loa i le Aso Lua , e masii atu ai le tatalaga aloaia o sasa ma faafiafiaga o le fu’a mai Savaii, Salelologa.
O le taimi muamua lea o tala faasolopito o le sisigafu’a a Samoa ua tatala mai ai faafiafiaga mai Salafai. E malaga atu ai le afioga i le Palemia ma le Kapeneta, ile malae o Don Bosco i Salelologa, mo le faamoemoe, faatasi ai ma le Kovana aoao o le malo o NIusila, o le tasi o malo faaaloalogaia ole faamoemoe.
Ole uma ane o le tatalaga o fiafia o le sisigafu’a i Savaii, ma latou asia ai isi atinae o le motu tele o loo aumai ai le lagolago a malo mai fafo, e aofia ai ma Niusila.
Peita’i o le aso lava ia, e ui o le pisi o fiafia ae le’o tuua ai lava aga masani, pei o a’oga a le fanau o loo faia pea a’oga, o faamasinoga ma galuega e le’o tuua auaunaga masani ai.
