Ua mavae ai o le aso ole tausaga oso, ae ua amata ai nei Mati i lona aso muamua, ae omai faatasi lava foi ma le tau fou ole suauu pei ona masani ai, lea ua, faaopoopo ai le 12 sene ile lita penisini, mai le $3.12 ile $3.24, ae faaopoopo le 11 sene ile tau o le Kiso, mai le $3.23 ile $3.34, ma ua faaopoopo foi le 4 sene ile tau o le Kalasini ile lita mai le $2.98 ile $3.02.
Faailoa mai e le Minisita o Tupe, Lautimu’ia Uelese Vaai, i le mata’ituina o tulaga siitia o le tau o le suauu, ua fuli nei iai popolega o le au faatau, ona e agai lava ina tele se aafiaga o le suauu maua, talu fetauaiga o loo tupu mai le GAZA strip, faatasi ai ma osofaiga faasaga i vaa la’u oloa, o faia i sami o Sasa’e tutotonu.
