Ua faamaonia mai e le Minisita o leoleo, le afioga ia Faualo Harry Shuster ole solitulafono sili ona maualuga i Samoa, o taavale e le laiseneina ma ave taavale leai ni laisene.
Saunoa Faualo Lefau Harry Schuster, ile maota, ile faaiuga o le vaiaso talu ai, “ile vaitau o aso malolo, e lua pasi na maua e lei laiseneina.
Peita’i na saunoa le Minisita o le LTA land transport Authority, pulega ao felauaiga ma taavale afi, Olo Afoa Fiti Vaai:
“O le tulaga ile leai oni laisene ma lesitala o taavale i lalo o le tulafono a le LTA, e leai se tulaga e faamalosia mai ai, le tagata e laisene le taavale ma faafou laisene, “o loo tuu lava le galuega i leoleo, e monitor ma vaai poo iai ni taavale ua le pasia, ma tagata e leai ni laisene.
E sa’o o pasi na lavevea, e leai mase pasi na pasia ae afai ua le pasia se pasi, sa faapea e paka lelei a latou taavale ile fale, ae le’o le tulaga lena na aliali mai.
“O moli e o atu taavale e pasi, e leai ni moli felanulanua’i, mani laau, ae foi mai loa, fai loa latou, ae tuu atu le faamalosia o le tulafono ile matagaluega, o leoleo”.
Ma fautua Olo, a maua loa foi isi ua fai a latou, se’i ma le laisene ae faamalolo. ”
E manatu le Minisita o leoleo, ia Faualo, o loo iai foi le faaletonu ile tulafono, ma ua tagai iai le Matagaluega.
