Ua faamauina ile pepa o faamatalaga a le Ofisa o Fuainumera a Samoa le siitia maualuga o le fuainumera o tagata malaga mai i atunuu mamao ile 21,796 talu mai le masina Me ia Aperila 2023.
O le 94.8% o le aofai oi latou na mafai ona malaga mai i luga o le ea e tauala mai ile auaunaga a le Samoa Airways ma le Fiji Airways, ae o le 5.2% pasene oi latou na mafai ona malaga mai i luga o le vasa.
Peitai e oo atu ile 14,674 oi latou na sa malaga mai mo asiasiga ma faalavelave faaleaiga, pei o saofai, maliu, fonotaga faa le Ekalesia ma asiasiga faa le galuega ma maitauina ai le oo atu ile 14.6 pasene talu mai le masina o Aperila o le tausaga lenei.
Ae e le gata i lea o meli la’u pasese sa tai masina ma tuta i le uafu i Matautu, o malaga togipau mia Saina, o taaloga faaleva-o-malo ma nisi o faamoemoe taua, mai le na 14,674 o le 7,574 o tamaitai ae o le 7,100 o alii.
Ae ua oo atu ile 15,719 le aofaiga atoa o turisi ma i latou na asiasi mai i Samoa mo tafaoga ma matamataga i Samoa nei.
Peitai ua faamauaina ai foi o le toatele o nei turis asiasi mai e mai Niusila ma faaoga mai le auaunaga a le Air Nz, sosoo mai ai ma Ausetalia.
Lea e 28.6 pasene oi latou na malaga mai ai ile Fiji Airways ma nisi o atunuu o le tatou itulagi o loo faamautu ai nisi o uo ma aiga na mafai ona malaga mai ma asia foi Samoa.
