Siitia le fuainumera o tagata gaoi i Samoa, ae ua faatali mai foi o latou moliaga, Matagaluega o leoleo ma Falepuipui.
E leo toe iai se vaipanoa o Samoa ua aliae mai ai le gaoi ua sasao faaafi i tupulaga o le atunuu, ae o tagata faigaluega foi a le malo i totonu o Matagaluega ma faalapotopotoga.
Pei ona maitauina i luga o upega tafailagai i feau tusitusia a nisi o aiga na osofaia e tupulaga o latou fale ma gaoi oloa poo mea totino taugata ma sue gata i nei vaitaimi.
E pei o laptops, telefoni, sipika ma le faamoemoe e toe tulei atu ma faatau atu i le mamalu o le atunuu ia maua ai se tupe e faamalie ai le manao e ala i se sikareti poo se fagupia. Ae o tagata faigaluega mai le faia o auala faasolitulafono e gaoi ai tupe ma totonu o accounts a kamupani ma Matagaluega.
Peitai ua faailoa manino e alii malu o le malo i luga o le Polokalame a le leitio polenisia “O oe ma le tulafono, ua iai tulafono ma moliaga ua maea ona tuumatamaga mo i latou ua fai ma mea suamalie le gaoia ma le osofaia o faleoloa ma meatotino a aiga.
Ae na ave foi le fautuaga a le Matagaluega o leoleo i le mamalu o le atunuu ia taunuana e le alo le tulafono pea faamaonia lou solitulafono ma ua maitauina foi e leo faaitiitia ae ua agai lava i luma.
Saunoa le alii malu o le malo, o loo faatali aso o mataupu a nisi o tagata sa faigaluega i le malo ina ua molia i le Faamasinoga i le gaoi ao avea ma tagata faigaluega, ae o tupulaga i le gaoia lea o fale o aiga.
