Ua tapena mai nei lesi vaa fou e la’u pasese ma uta a Samoa, mai le Malo o Iapani, ia taunuu mai iinei i lesi fa i le lima masina o lumana’i.
O le va’a lea mo malaga faalevaomalo, Le MV Lady Samoa IV.
Faatoa lua aso talu ona faalauiloa aloaia mai ia Samoa le fesoasoani a le malo o Iapani, tuusa’o mai lava ile lotoa e fausia ai vaa i Setoda i Naikai Zosen, i Hiroshima.
I le sauniga faapitoa ole MV Lady Samoa IV, na auai atu iai le afioga ile taitai o le malo, Palemia, Fiame Naomi Mataafa i luga o fesootaiga televave, ma le amupasa a Samoa i Iapani, Faalavaau Perina Sila Tualaulelei. ma sui o le malo o Iapani, i lona va i fafo.
(Senior Coordinator, International Cooperation Bureau of the Ministry of Foreign Affairs of Japan, Mr Ohmura Kazuyoshi, the Mayor of Onomichi City Mr Hiratani Yukihiro, JICS and the President and executives of the Naikai Zosen Corporation.)
Na saunoa faafetaia ai le tamaitai Amupasa, Sila Tualaulelei, e fai ma sui ole malo o Samoa, e faafetaia le malo o Iapani i ana fesoaosani faaauau, I le malo tutoatasi o Samoa, ma lona atinaeina.
Na ia saunoa, o le’a tele se sao o lenei vaa i feoaiga saogalemu , ae o fefaatauaiga mo le tamaoaiga i le va ma Amerika Samoa. Ole fausaga ole vaafou lea ua fetaui lelei ma manaoga o le soifuaga o aso nei.
Lava avanoa mo uta, 1,130 tane, 48 mita le umi, 280 pasese ma le auvaa e 17.
Taimi nei o loo iai lava le vaa i le lotoa i Hiroshima, i siaki mo le faamautinoa ai ole saogalemu, ae o toleniga a le auvaa mo Samoa, a’o lei malaga mai i Samoa i le masina o Aukuso ole 2022.
O le poloketi lea mo le fauga ose vaa faalevaomalo fou e suia ai le MV Lady Naomi, i lalo o le faamaoniga a le malo o Iapani ose vaega o ana fesoaoasni faatulagaina.
