E ese mai le silia ile 500 nofotane a Samoa o loo faauaua pea a latou pisinisi , mai le polokalame faa’oa a le SVSG, Samoa Victim Support Group, lesi foi faaopopoga lea ua atofa iai le tolu vaiaso.
O le laasaga fou lea o loo faatupe e le United Nations Economic and Social Commission for Asia (ESCAP).
O le faamatalaga faalauaitele mai le SVSG, e silia i le 30 Nofotane talavou ua oo atu iai faamanuiaga o tomai e faatino ai pisinisi e tua iai o latou aiga.
E aofia ai le 20 Salelologa, Savaii, ma le 80 Apia, Upolu.
O le siitia o galuega faatino, poo le quality o oloa a le Nofotane lea o loo tuliloa ele aoaoga o faia nei.
Ole maketiina o oloa ma auala e faalauiloa ai, ia fia faatau ai e tagata.
O le aoaoina ile pulea lelei o a latou tupe maua, ia mafai ona faaauau ai pea le alagaoa i lona aiga.
Faafetaia foi e le Peresetene, o le SVSG Siliniu Lina Chang, le sao o le Samoa Commercial Bank, ile faatalanoaga o auala e siitia ai le pisinisi i se isi auala, pei o le faatumuina lea o le talosaga, e mafai ai ona fesoasoani ane le faletupe a le SCB i pisinisi laiti.
Ole auga o lenei Nofotane o le siitia o le soifuaga i totonu o aiga, i tulaga tau ile tama o aiga, ae ose auala faaitiitia ai sauaga i aiga.
