Siitia tulaga o tupe pepa a Samoa

SHARE NOW

Ua mafai ai nei e tagata e po le vaai ona o latou iloagofie le eseesega o le tupe pepa, $5, $10, ma le $20 Tala e ala i le fa’aliliuina mai le pepa tuai manifinifi i le pepa polemeta anagata – ma tuu iai patupatu togitogi  (O le $5 e 6 ona togitogi, $10 e 8 ona togitogi ma le $20 e 10 ona togitogi)

Ile faamatalaga faalauaitele mai le ofisa o le faletupe tutotonu o Samoa, o ta’ua ai, “O le a amatalia ona tuuina atu e le Faletupe Tutotonu le tupe pepa fou $5 i le aso Gafua, 18 o Tesema 2023 ina ia tali atu i le maualuga o le moomia o lea tupe i taimi o aso fiafia o le Kerisimasi.

O le tupe pepa polemeta $10 ma le $20 Tala ua fuafua e fa’amatuu atu i le kuata muamua o le 2024.

O le a fa’ataamilo faatasi lava tupe pepa $5, $10 ma le $20 Tala o lo o iai nei i le taimi e fa’agasolo ai suiga ia tatou tupe pepa fou polemeta anagata.

I le faai’u manuia ai o le tuuina atu o le tupe pepa fa’amanatu polemeta $10 i le 2019, na fa’alautele atu ai e le Faletupe Tutotonu lea faiga fa’atekonolosi i le tupe pepa $5 ma le $20 tala mo le ulua’i taimi.

Sa fa’aalia i le tupe pepa $10 le tulaga malosi, umi ona lelei ma fa’atumauina le maualuga o lona anagata pe a faatusa atu i le pepa sa fausia ai muamua le $10.

Ua mamanuina tupe pepa polemeta ina ia umi lona aoga, mama ma lelei ma fa’atumauina ai le tulaga anagata, e atagia ai le naunautaiga o le Faletupe Tutotonu o Samoa i le tulaga malosi ma matagofie o ana tupe pepa.

O le maualalo o tatou tupe pepa e fua i le tulaga mātuiā o iai le fa’aleagaina o le tupe, ma e taua tele ai le toe fa’alautele atu o le tulaga malosi ma anagata o tatou tupe pepa.

O tupe pepa fou nei e aofia ai foliga vaaia tumati’e o le polemeta i tupe ta’itasi, o lo
o tauaveina se mamanu fa’apitoa o patupatu togitogi e fesoasoani ai mo e po le va’ai. ma talosagaina ai foi le atunuu i le tausia lelei o tupe pepa fou nei, e fa’amalosia ai le latou matafaioi o se fa’ailoga o le mitamitaga o le tatou atunuu ma le tatou faasinomaga.