Ua atoa ai ile vaiaso lenei le tasi le masina talu ona sui atu le afioga ile Palemia ile tofiga Minisita o tagata asiasi mai, afioga a Fiame Naomi Mataafa e suia Toesulusulu Cedric Schuster.
Peita’i o le lipoti faalekuata tausaga a le Pulega o Tulisi, ua faamauina ai le maoa’e o le vaiaso na faamanatu ai le Teuila lona 33. Ma saunoa ai le Palemia, ile taua o le Teuila mo tagata tafafao mai, ae ole atinaeina o Samoa. Ua aloaia ai foi ele lipoti lea faalekuata , le pale mai o le Miss Samoa 2023-2024, Momoemoana Safaato’a Schwenke.
I le lipoti tolu masina a le pulega o Tulisi, o Iulai-Setema, e 48,620 tagata na taunuu mai ai tusa o le 83.3% o le 58,348 le aofa’i o tagata na taunuu ile taimi lava lea ole tausaga 2019.
I tupe maua mai ile kuata faamauina, e $158.3miliona, tusa na’o le 6.5% o loo faaititia mai tupe maua ole tausaga faaletupe 2019/2020 e $169.3miliona.
Ole vave ona toe pale ma lelei mai tulaga to tupe maua mai tagata asiasi mai, na faamauina ai le siitia ile 12%, mai le $2,913 ile $3,263.
Ae ile tausaga mai ia Ianuari – Setema, e 126,216 tusa lena o le 92.5% ole 136,480 tagata asiasi mai, na faamauina mo le taimi lava lea o le 2019.
O tupe maua mai le taimi faamauina, e SAT$422.4m tusa lena o le 4.5% ua siitaia ai nai le taimi lava lea ole 2019 sa SAT$404.6m faatusa ile $3,340 le tupe e faaalu e le tulisi o le 2,973.
Ma atagia ai le sosolo lelei o tulaga tau i tupe maua a Samoa mai lea foi matagaluega, ile 9 masina o taimi faamauina, o tagata taunuu, ma atagia ai le ono siita’i atu o tupe maua a Samoa talu ona tatala tapu ole koviti, faatusa ile piliota faamauina poo le kuata faaletausaga.
