O se alo e faasino ia Malalatea Matamua Tausisi Manū ma Lea Fune Tausisi mai afioaga o Salelologa, Salailua Savaii, ma Sinamoga le tamaitai ia Foirita Tausisi Manu, lea sa sili aoao i le tuufaatasiga o togi mai le vasega 10 ile vasega 13(Valedictorian).
Ae mo le vasega 13 o le tausaga lenei 2023, e sili aoao (Dux) ai le tamaitai o Faafetai Tinei.
E silia ma le lima mataupu na sili aoao ai lenei tamaitai ese mai lona tulaga tolu i le level atoa 13, ae o ia foi sa aveina le faailoga o le taitai sili ona lelei i totonu o le laumua.
O Foirita sa tulaga muamua i le mataupu o le history, tulaga muamua le faakomepiuta, sili aoao le mataupu faamusika i le tausaga 13, tulaga 2 i le mataupu o le Matematika i le tausaga 13, tulaga muamua le mataupu o le Igilisi, tulaga muamua ile mataupu Geography.
Ae i le faasologa o tulaga o le vasega atoa 13 sa tulaga 3 ai, peitai i le tuufaatasia o togi ma tulaga o level uma o le tausaga faaiu na sili aoao ai loa le tamaitai ia Foirita.
O foliga o le fiafia ma loimata o le faagaeetia na vaaia i matua ae o aiga ga lua sa lagolago ma opogi taumafaiga o lenei alo, ao iai i lona lasi tausaga i le Kolisi i Pesega.
O Foirita o le lona 7 mai le fanauga e toa 8 a Malalatea Matamua Tausisi Manu ma Lea Fune Manu.
