E silia ile 400 fanau sa mafai ona faauu ile Univesitē aoao i Papaigalagala ile asō. Na vaaia foi le sagisagi fiafia mai o matua, fanau ma aiga e molimauina lenei faauuga sa faia ile asō aso 28 Mati 2024.
Na maua le avanoa e fa’atalatalanoa ai se tasi o tama fanau sa faauu ile faauuga I lenei aso.
O le alii o Graham Pati Faupo, 23 tausaga le matua, mai le afio’aga o Vaiusu ma Fagali’I ,e toulu tausaga sa tauaveina ai lenei mataupu lea sa sili aoao faailoga tau tikerī I mataupu tau Gagana Samoa ( Bachelor o Samoa studies).
Ae ile faatalatalanoaga ma tusitala nisi o faafitauli sa feagai ai ma ia, ao a foi ni auala e foia ai, ma na ia taua ai.
“Ole faafitauli o le itu tau seleni mo le totogiinaole pili a’oga. Sa apalai I avanoa faasikolasipi ma maua ai le avanoa e aoga ai ma faauma ai la’o polokalame”.
“E foia nei faafitauli pea faaaoga ma le tatau le avanoa faasikolasipi e maua mai le Malo ma isi auaunaga eseese e maua ai avanoa faasikolasipi mo le totogiina o pili aoga a I latou o loo utuvai I totonu ole univesite.”
Na fesiligia foi e ala lea I Sana fautuaga i nai alo ma fanau lalovaoa o Samoa o loo taumafai pea ile aoga mo le faaumaina o latou Pepa ia mafai ai ona faauu na ia faapea ai.
“Tatalo ma Anapogi ma faamoemoe i Lealii ilē e ona le malosi ma le atamaiuma lava. Ma ia faaaoga tatau avanoa faasikolasipi ma faaaoga tatau le taimi I aoaoga
