O vaitau faapenei e iloa ai le tamaititi e maua se meaalofa e tali atu ai matua I faaaiuga o suega o lenei tausaga faleaoaoga, e faapena foi manatu ma lagoga faailia a le tamaitai o Lusia Pati Kerisimasi o le Dux poo le Sili aoao foi lea ole vasega 8 ole aoga tulaga lua a Vaimea Primary School.
Ole taeao nei lea na taualugaina ai aoaoga faaletausaga a le Aoga tulaga lua a Vaimea e ala I latou laugatogi ile faaiuga o lenei foi tausaga faaleaoaoga.
O lenei aoga tulagalua o se tasi lea o aoga e lona lua I Primary school e pitosili ona toatele fanau aoga o loo aooga ai.
Ma o le sili aoao ai o lenei alo tamaitai ua o se meaalofa taua ma faamalie loto mo ona matua, uso ma tuagane, ae o aiga ma uo.
O Lusia Pati Kerisimasi o se alo e faasino ia Kerisimasi Pati ma Sa Kerimasi Pati Ulumane.
Na faailia e Lusia I faatalatalanoaga ma tatou talafou ile taeao analeila na ia taua ai nisi o faafitauli sa feagai ma ia I taimi o aoaoga. E ala lea I paketiina o ana meaaoga ma feau fai a aiga aemaise lava ole vasega valu lea ua iai latou, o tausaga faitaulia ia e tele suega e sue ai e pei o suega ulufale mo avanoa I kolisi maualuluga o le atunuu, o Suega a le malo, faapea ai lea ma suega faitaulia ole tausaga poo final exams, e lei taofia foi lona manatu faailia I faafitauli lava I totonu ole aoga na ia faailia ai, Ile tausaga 4 ile 2020 faatoa aloaia ai le avea o ia ma tulaga muamua poo le sili o vasega na aoga ai I totonu o Vaimea, e pei ole tele o faiaoga e lei lagolagoina lona tulaga muamua I vasega, aemaise ai o le latalata o sootaga o matua I nisi o faiaoga o le lotoa I lea vaitaimai, ae lei avea lea ma auala e faaletonu ai ana taumafaiga I le aoga.
E fitu mataupu o loo aoaoga ai fanau nei ma o mataupu e fa mai I mataupu uma nei e fitu lea e iai le Egilisi, Samoa, matematetika, faapea ai ma le Science o mataupu ia lea sa ave e Lusia ma tofia ai loa o ia e avea ma tulaga muamua poo le Dux o lenei tausaga faleaoaoga.
Ae o isi mataupu e tolu lea na sola lea ma le tamaitai na sosoo mai ia te ia poo le tamaitai ia Blessing Atofele o le second to dux a lenei lava aoga tulagalua.
Ole feau taua o loo momoli mai e lenei alo, aua nei avea faafitauli o loo e feagai ma oe I totonu o aoga, aiga, ma tua I Nuu olea muta ai lou ola suesue sa e taumafai mai iai, aua e le gata ai ii ae ia faaauau pea au taumafaiga seia oo lava ile tini, aua e leai lava se mea e mafai ona e maua ma se filemu pea le punouai lou ulu ma e sogasoga I au meaaoga ma ia e manatua, le tapuaiga a ou matua ao e feagai ai ma aoaoga o lenei foi tausaga faleaoaoga.
