E $1,080,000 tala le vaega tupe atoa a le Toomaga mo e Puapuagatia na maua i le latou sailiga seleni na faatinoina i le aso 29 Iulai 2023.
Ma ua agina ai i upega tafailagi le loto faafetai ma le faagaeetia o le Peresiteine o le Toomaga le susuga ia Siliniu Lina Chang i soo se tagata, Ekalesia, Faalapotopotoga ma atunuu o loo fai paaga ma Samoa Na tuu atu o latou tau au e lagolago le faamoemoe a le Toomaga mo le manuia lautele o fanau o loo ile Apitaga o le Faamoemoe poo le Campus of Hope.
Ae le gata i lea na ave foi le faafetai i sui ma o latou paaga i Nuu ma Afioaga na faaavanoa o latou taimi e ofo fua atu e auauana ai mo soo se manaoga i totonu o le Toomaga O le auga lava ma le faamoemoe o lenei faalapotopotoga o loo tulimatai i totonu lava ia o Samoa ia taofia ma tafiesea soo se ituaiga sauaga lava o le faatino e aafia ai tina ma tamaitai i totonu o aiga.
O tupe uma foi na maua mai lea sailiga tupe ua faailoa faalauaitele mai e le Toomaga ma le Peresiteine o lea fesoasosani lea i le Apitaga o fanau o loo sulufai atu ia toe faaleleia atili ma ia mautinoa ua saogalemu mo le nonofo o fanau.
Lua, o le totogiina lea o tagata o loo faafaigaluega ina e pei o leoleo po, ae o i latou o loo tausia fanau mai le avatu i maota gasegase pea mama’i.
Tolu o nisi o vaega na o latou faailoa o utuina lea o kiso ma penisini o taavale o loo faaoga e le aufaigaluega o loo agai ai tua mo le faia o a latou faalauiloa ae o le agai atu e laveai mai se ola ao se soifua ua matuai manaomia le fesoasoani i le taimi vave.
Peitai e leo muta ai pe faagata ai le auina atu pea o fanau sauaina i totonu o le lotoa a le Toomaga, ma faatino ai le laveaiga pei ona faia i fanau ua leva ona nofoia lea foi nofoaga.
