E 12 tausaga ma le ono masina le faasalaga faafalepuipui, o Faalavaau Vaotuua Auleoleo Neemia.
O le mataupu lea na fofogaina I luma o le afioga I le Faamasino o le Faamaisnoga maualuga, Justice Tuala Warren.
O le soligatulafono lea na maliliu faatasi ai lava ni alii se to’alua, Elisara Fata ma Utufua Voi mai se laau malosi, I le afioaga o Afega ile aso ole tausaga fou, o le 2021.
Peita’i o le Aso Lulu, 15 Fepuari, ananafi lea na faato’a aumai ai le faaiuga a le faamasinoga faasaga i moliaga e lua, o le fasioti tagata pa’ivalea, .
O Faalavaau, ua 69 tausaga , i lana faamatalaga pei ona ta’ua e Justice Tuala Warren, e faapea na palauvale Utufua Voi ia Faalavaau, ma latou poloka ane ma ana uo le alu atu o le taavale a Faalavaau, ae soso atu lava Utufua ma lana fagupia na uu, ma tui Faalavaau.
O le tala a Faalavaau, “na ia faapa le fana e faafefe ese ai, ua ita, alu tuu lana taavale I le latou aiga, ae savali atu ile aiga o Utufua.”
I le faamatalaga a Faalavaau, na tamo’e ane Elisara ae o loo talona ile tama o Utufua. Na ia fana ai loa Elisara, ae o lana toe foi ane I lona aiga, ae vaai atu ai loa ia Utufua I le auala ma ia fana ai foi ma Utufua.
O lana tala ile ofisa vaavaaia, na tumu ia ile ita, lea po na tupu ai le faalavellave.
Na alu ifoga I aiga o tama na maliliu ma talia
O Elisara Fata, e maliu ao soifua mai lona faletua ma le alo e fa,
O Utufua Voi, 42 tausaga, o loo soifua mai lona faletua ma alo e toa ono.