Silia ma le $10,000 le tupe ma laau faasaina na maua i Moata’a

SHARE NOW

Na maea lelei le vaiaso ua mavae o manuia osofaiga a leoleo i tua i nuu ma afioaga ma maua mai ai le anoanoai o laau faasaina ma tupe o loo maua mai nei laau faasaina pea faatau atu.

Pei ona maitauina ai le silia ma le $10,000 le tinoitupe na maua mai i le osofaiga i le aoauli o le aso ananafi i le fale taavale poo le taxi stand a le Tafaifoe i Moataa.

E le gata o tupe Samoa ae na maitauina foi na iai ma tupe Niusila ma Ausetalia, ae o aisa ua uma ona tuuina i totonu o pepa faatau lanu eena, ma mariurana ua tuuina i totonu o pepa iila laiti.

Ma e toa 6 i latou ua taofia mai e leoleo i le maea ane o lea osofaiga ma o loo talia ai foi le aso e tulai ai luma o le faamasinoga.

Ua talosaga mai foi le Matagaluega i le mamalu o le atunuu e le mafai ona manuia le lumanai o alo ma fanau lalovaoa pe a le faailoa atu nofoaga mai latou o loo masalomia le faafaileleina o nei laau faasaina.