Ua silia tausaga talu ona le totogia e le pulega ole FRU Fiji Rugby Union, le alii Samoa, lea na latou avatu faakonekarate e fesoasoani ile koleniina ole latou au taitoafitu, le susuga a Etu Tusitala. O Etu Tusitala, ose alii faipisinisi, ua lauiloa i lana lega poo le turmeric, ose meainu e malosi ai le tino.
Peita’i sa galue faapitoa mo le faamalolosiina ma soifua maloloina le au taaalo lakapi a Fiti, peita’i ua alu a’i alu a’i, lea ua molimauina mai e le Susuga a Tusitala, ile tatou faatalanoaga, ua le totogia ia ele pulega.
E ui ini famanauiaga o taaloga a le au taitoafitu a Fiti i lona taimi, ae ua atagia i lana maitau, ua ese le laasaga ua oo iai le latou mafutaga ma le pulega ole Iuni lakapi a Fiti.
Ma ua fai ai nei lana loia, e taga’i i tulaga faatulafonoina ole taofia o lona totogi, ma le tuuaiga, faapea ua ia le ausia tulaga faa world level, e faaauau ai le galuega.
O le faasea a le alii Samoa ia Tusitala, ina ua le amanaia lana konekarate, ma ua ia maua tala ua iai le isi tagata ua suia ia ile tofiga. Ma ua fesiligia ai foi lona nofo faatulafonoina ai ile atunuu.
Ua i lima o lana loia le matupu, pei ona taua iluga.
O talia se tali mai le pulega o le FRU i tatou fesili faatatau ile a mataupu.
