Siliga lava sailiga o le tino o le tautai Satufia Satupaitea

SHARE NOW

Ua siliga lava sailiga mo le tama faifaiva o le afioaga o Satufia Satupaitea le tofa ia Lafai Lemo, ina ua maea sailiga i le Aso mulimuli le Aso Toanai lea ma faamuta ai loa sailiga o lona tino e leoleo ma le afioaga.

Peitai i le Aso Toanai lava lea na maua ai le tatou faatalanoaga ma le uso matua o le tama o tau sailia nei, e leo manao e faailoa lona suafa, ae na ia taua i le tatou faatalanoaga.

“O lona uso e lei leva ona tea mai tua ma le falemai, e iai ona masaloga o lona uso na oso le mai ao fai lona faiva i le taeao lea o le Aso Tofi,”

“O lona uso o se tagata o le sami o se tautai iloga foi totonu o le nuu, e le faatali isi au fai faiva se o latou o faatasi ae o Lafai e alu lava ia, i le taeao e fagaao toe alu i le afiafi”

Taua e lona uso matua lea, o le Aso Toanai le faaiuga o le vaiaso nei le toe Aso o sailiga a leoleo ma le nuu, a leai loa ona faataatia loa lea.

O le tama ia Lafai ua toalua ona alo, o le faaletonu lea na tulai mai le Aso Tofi o le vaiaso ua mavae.

Ina ua alu le faiva ao ma le toe foi ane ai, na logo e lona tausi le nuu mo se fesoasoani i le aso lava lea ma faatino ai sailiga seia oo mai i le faaiuga o le vaiaso ua mavae.