Ua faitau vaiaso ai nei talu ona taofia I le vaaiga a leoleo se tama talavou e fai lana taavale, ae fai foi lona toalua ma lana fanau.
Ina ua molia e matua ose teine fitu tausaga le matua ile ofisa o leoleo ile aso fa ole masina na te’a nei o Oketopa.
Na faamatala e le tama ole teine talavou, ia tatou talafou, I lona faanoanoa tele talu ua faitau masina talu ona nofo lona afafine ma le fefe ile tama lea ua taofia.
O le faaletonu na tupu I le masina o Aukuso 2024, na faamata’u ai e le tama talavou lea le afafine.
O le faamata’u e aofia ai lona folafola ile afafine, e nate faaoo le oti i ona matua pe’a ia ta’u lana gaioiga lea na fai.
Na talanoa ma le faanoanoa le tama o le afafine, “o le tama talavou avetavale lea, e felata’i lava o matou fale.
“E masani lava ona tietie ai (le latou aiga) i feau fai ma momoli ai foi ia e faigaluega, ae totogi.
Sa faamoemoeina foi ile momoliga o lona afafine 7 tausaga lea mai le falemai i Motootua e ave ile fale ile taimi ole masina o Aukuso.
O le po na alu ai le avetaavale lea e momoli lona afafine ile fale, sa totogi I le $15tala.
Peita’I ole afiafi lena na tupu ai le faaletonu lea I lona afafine ma nana ai lava e le teineititi le faaoogalima mataga a le avetaavale, ia te ia ona o le fefe, pei ona faamatala le tama faanoanoa.
Na faatoa ta’u e le teine ile aso 4 o Oketopa, ma ia vii ai loa leoleo .
Ma taofia ai lava e leoleo le tama ave taavale lea.
O le aso 11 ole masina nei Novema e valaau ai lea mataupu I le faamasinoga.
