Ua mae’a ma le manuia le faigapalota laititi a le itumalo o Gagaifomauga 2.
Leai se vevesi na’o leo o le filemu ma le fealofani na lagona i sui a le FAST male atunuu o loo ave le latou lagolago ile vaega faaupufai a le FAST.
Ua uma ane le palota ma manumalo le sui a le afioga o Lefagaoalii, Foisala Lilo Tuu Ioane.
Lona lua atu iai le sui a le afioaga o Samauga, Sooalo Fineaso Poka Sooalo. Tulaga tolu le sui tauva mai Safune, ia Lomia Tauloa Moafanua Sia’aga.
Ae tulaga fa ai lesi sui mai Safune ia Falesaopule Vaialia Iosua. I le aotelega o palota i lona faitauga le aloaia muamua,
Foisala Lilo: 411
Sooalo Fineaso 383
Lomia Tauloa 307
Falesaopule Vaialia Iosua 303
Ua talia ai le faitauga aloaia ile Aso Toonai, ile taimi e taunuu mai ai pusa palota mai Upolu i Savaii, ma faia ai le faitauga aloaia i le faletalimalo o le Stevenson Manase.
O lesi tulaga mataina ile palota lea, e tusa ma le 2030 tagata palota i luga o le lola ae na’o le 1,297 tagata na faatino a latou palota ile palota laititi.
O le toe see ane ai o le nofoa o le itumalo ia Samauga, ua molimauina ai le toe faaauau ai , faitau tausaga talu ona malolo mai le tofia ma Lefagaoalii.
Talu mai le taimi o le afioga ia Feo Nemaia. O luma atu o Feo Nemaia sa iai isi tamalii o Lefagaoalii sa tauavea mai le tofiga faipule. Sa faapena foi ona iai taimi o Safune , pei ona sa tauavea ai le faipule tamaitai muamua o le Itumalo, Safuneituuga Paaga Nelly, na ia tauavea mai le tofi ile lua nofoaiga.
Ma faoa mai ai e le Sooalo Mena mo lana ia foi lua nofoaiga, 10 tausaga. Ma see atu ai loa le tofi ia Safune ile uma ane o le palota o Aperila 2021 na manumalo ai le Susuga Vaele Paia’aua Iona Sekuini mo le tausaga e tasi ae tuumalo.
ole toe saili ai ose tofi ole itumalo sa maitauina le matua iloga ona finau mai Nuu ole itumalo. Vagana ai Paia ma Matavai e le’i iai so latou sui na tauva .
Ae ole saunoaga a le afioga a Lomia Tauloa i le uma ane ole palota laititi e tu tolu, e oso pea le la, ma o le’a taumafai pea e fai faalelei lona nuu, ma faaauau lana tautua lagolago ile malo o iai nei FAST.
E ono toe suia aofa’i o palota i le uma ane ai ona faitau palota faapitoa i le Aso Toonai, 4 Iuni.
