Solituafono faaauau a Vaalele

SHARE NOW

E le’o le taimi muamua ua falepuipui ai le alii o Vaalele Lesa Moli ini soligatulafono faamaonia.

Ua toe falepuipui ai nei foi ile tolu tausaga male valu masina , ina ua ia ioeina o ia na mu ai le maota ose aiga sa loka ae malaga i fafo. Ae na alu faamalosi lea alii i totonu ma faaola le ogaumu kesi, i lana tala i faamaumauga, o lana faamatalaga , na alu faaola le ogaumu kesi tutu ai lana tapaa, ae galo ona toe tape.

Ole alii lea e nofo i Tiavi, ole fale na mu iate ia, ole maota fou lava ole aiga na loka, ae malaga i Niusila. Peita’i i faamaumauga o lea alii ile faamasinoga, na iloa ane ai, isi ona moliaga, mai le aso 10 o Aperila, 2012 sa faasala falepuipui ile 6 tausaga i fualaau faasaina.

Ma toe faasala foi i le 2015 ile solitulafono lava lea e tasi, ma magalo mai i tua i le palola ole 2018. I faamaumauga a leoleo, ole mea na tupu na fai le inuga a le alii lea ma ana uo e oo lava ile vaveao o lesi aso, ma alu ai ile fale lea e leai ni tagata o iai, ki le ogaumu ma toe alu i fafo.

Na iloa e le alii lea le saosao ole mu, na afaina ai loa mea totino nai le maota. Ole tauaiga o tagata e ana le fale na logoa i leoleo.

I faamaumauga lava ia, o ta’ua ai, ole maota lea e oo atu i le $400afe tupe Niusila na lafo mai i SAmao mole fauga o le maota. lea.

E le gata ina mu ai taavale e lua, ae ole masini tamea, pusaaisa ma le fulisa, ogaumu kesi, lua tane vai ma ata. O faanoanoaga o le aiga, e ana le maota, ona e le gata ina aafia lagona ile te’i, ile faatamaiaga na faia e lea alii,ae ua leai sona fale.

Na ta’u e lea alii, i le faamasinoga, e leai sona manatu na iai e susunu le maota. O ia sa ¬†mana’o e tutu lana sikaleti.

Na alu ai i totonu faaoga le ogaumu ae na galo ona tape. Ae oo loa i lesi aso, o atu leoleo. Ma ua faaali foi lona faanoanoa i le mea na tupu.
Ile faaiuga a le faamasino, Justice Vaai, e 3 tausaga ma le valu masina i le falepuipui.