E toe afe ai foi Samoa e le meli la’u pasese, le taulaga vaa i Apia i le Aso Lulu o le Vaiaso nei, 26 Oketopa.
O saunoa le Afioga a Muaausa Fiona Uili, o le faatonu ole Kamupani o aumaia le vaa lenei i Samoa, le Samoa Global Shipping Services, o faamanuiaga nei sa faatali iai le au fai fale tulisi ma faletalimalo i le tatou atunuu.
Ia sauni iai, e iva itula o le’a taula ai le meli lenei.
MS Regatta Cruise Ship e taunuu mai le 11am ile Aso lulu 26th October 2022 ae toe alu ese ma Samoa ile 8 ile afiafi. O malaga mai ma le pasese e 824, ma lona auvaa e 343.
Ma loo fefiloi lava tagata nuu i luga o le meli lenei, e aofia ai tagata mai Niusila, Australia, Canada, Switzerland, United Kingdom, Croatia, Poland and USA.
Amata mai le malaga i LA ui ane ai i Hawaii faasolo ane ai French Polynesia oo mai ai Samoa alu atu ai Fiji, Solomon Island, PNG, Australia, Indonesia, Malaysia and Singapore.
O le tausaga e 2019 lea na pau mai ai le malaga mai a le MS Regatta cruise ship i Samoa, mai le kamupani o vaa la’u pasese a le Oceania Cruises i Miami USA.
I totonu o le 9 itula, lea o le’a lafo ai taula o le vaa i Apia ile Aso Lulu nei, o talano aia le afioga a Muaausa Fiona, e to’a 9 le pasese e nonofo i Apia e pu’e ai vaalele e faaauau ai latou malaga.
O faamanuiaga uma lava na mo le tatou atunuu i tupe maua, e le gata i tagata tafafao, ae e ono iai faatauga o meaai a le vaa(ship Provisions) e manaomia mai le maketi o i’a ma le maketi i Fugalei ma isi auaunaga moomia.
O le Meli la’u pasese lea o le MS Regatta o lo’o aumaia i Samoa nei ele Samoa Global Shipping Services i Vaitele, lea na saunoa le Faatonu o le kamupani, afioga a Muaausa Fiona, mo le au fai pisinisi tulisi ma faletalimalo, e tapenapena ma sauni foi mole taunuu mai olesi foi vaa o loo aumaia e le Samoa Global Shipping Services ile masina o Tesema .
