Ua tula’i malosi mai ai nei le alii poto faapitoa, o se alo o Samoa e nofo mau i Ausetalia, Susuga Freddy Sooalo, e tula’i mo fanau o loo faigaluega faavaitaimi i lena atunuu aemaise ai fanau a lona atunuu.
O le aso na talanoa faalauaitele mai ai le Susuga Freddy faasaga tau atu i kamupani ua latou folafola pe faamata’u le faaleaogaina o visa faigaluega o se vaega na avatu i Samoa.
Ua togi atu ai nei le lu’i a Rev Sooalo, ile kamupani lea, e leai lava se isi auala e faatino ai le finauga o ituaiga o folafolaga faapea, o le ave sa’o lava ile tulafono, poo le faamasinoga.
E manatu Sooalo, o ni faamata’u e faa le- aogaina ai visa o nisi o fanau i galuega faavaitaimi, talu ua le mafaia ona latou faa faigaluegaina.
O se laasaga faailoga lanu poo le solitulafono lava lea. Saunoa le faafeagaiga, e iloa foi e tagata Samoa faitau ma faauiga tulafono a le malo o Ausetalia.
Ma ia fautuaina ai alo ma fanau a Samoa, o loo faa faigaluega e le PGP, i Ausetalia, o e join fai ma totino o le AWU Union ia Lieta Sauiluma-Duggan. talanoa i le tamaita’i Samoa lena, e finauina ai e le Iuni (union) uiga soli tulafono o loo faia e le PGP ia outou.
Peitai ole mataupu lea o le a oo atu ile faamasinoga a Ausetalia pei ona folafola mai e le Susuga Freddy.
O le Susuga a Freddy Sooalo, ose alo tau Tumanuvao mai le afioaga o Poutasi Falealili, peita’i e leo faapitotasi lana mata’itu I gasologa faaletulafono o le polokalame o galuega faavaitaimi a lona nuu, ina ua faasafua ai lana fesoasoani i fanau o loo aafia i faaletonu eseese ole olaga nei i Ausetalia, ma sulufa’i ane ile maota ole faafeagaiga.
