Ua amata ao pine auro nei le au siisii uamea mamafa a Samoa i le taamilosaga a le faaitulagi o le Oceania, o loo faia i Manukau Niusila, ina ua faamauina ai le fa o pine auro sosoo a Samoaa i le aso muamua.
O le pine auro muamua lava sa maua e le alii ia Nevo Ioane i le vaega o le 67 kilokalama le mamafa i le vaega matutua i le itupa o alii.
Peitai o le alii talavou ia John Tafi e le gataa na ia maua le pine auro lona lua mo samoa ile vaega matutua foi I le itupa o alii I le 73 kilokalama, ae na ia faatuina se matatia fou mo le oceania I le vaega matutua, e 170 kilokalama.
O le tatou pine auro lona tolu na maua e le alii o Tovio Ah Chong, 16 ona tausaga, I le vaega laiti o le itupa o alii, e 81 kilokalama le mamafa, ma na ia faatuina foi se matatia fou.
Ma le alii o Emanuel Ulimasao, 16 foi tausaga ma mauaina le pine auro lona fa mo samoa ile vaega laiti I le itupa o alii e 89 kiokalama le mamafa.
O ata vaaia ia i le taamilosaga i Manukau ma o se fiafiaga sili i le Faletupe mo Tagatanuu o Samoa, le National Bank of Samoa, oloo lagolagoina malosi le masii atu a le tatou ausiisii uamea mamafa i Niu Sila.
O taamilosaga foi nei, o lea saili ai le au e saofaga mo taaloga o le olimipeka o le tausaga nei.
