O le saogalemu o fanau ma aiga , lea na fesiligia ai ile po anapo ile Friendship Park i tafa maota o le malo ile eleele fou.
Ina ua molimauina le sosoo lava o po e lua o pepe molia ole paka. Na tatou fesiligia le leoleo po, na ia molimauina lea faaletonu, ma ia tali,
“ua sosoo lava po o pepe moli, faimai ua fiki le palaka.”
Peita’i ile evaga a tatou tala fou na oo atu iai anapo, e ui ile pogisa o mau magaala ole friendship Park, ae lata ile 200 fanau laiti, talavou, matua ma auaiga na pogia lava o iai ile paka, e ui ile leai oni moli.
O nai malama atu i fale o iai, pei o le faletaele sa maua ai sulu ole paka i tafaoga a aiga ole afiafi. Na talanoa ai le tina ia Easter Ua’i, ole saogalemu lava e tatau ona ave iai le faamuamua ole pulega ole Paka, a ua leai ni moli, e tatau ona tapuni, ae o po lava ole faaiuga ole vaiaso , e tumu ai i evaga, ae faaletonu moli. Molimauia e le’o le taimi muamua lea ua faaletonu ai moli o magaala , aemaise ole ala laupapa o feta’iai i le vaega o iai le vai tuloto ile Paka.
Peita’i e ui o lena pogisa ole friendship park anapo, ae lei taofia ai le solo atu o tafaoga ma evaga a aiga.
