E iai le suesuega o loo faia ile taimi nei faatatau ile tamaoaiga o Samoa, ma le 20 isi atumotu o le Pasefika, ma teritori e tali atu ai i le talosaga a le Amupasa Kathrine Tai ole Ofisa Fefaatauaiga a le malo o Amerika.
Ile tusi a Tai, ile taitaifono ole Komisi o fefaatauaiga a Amerika, David S Johanson, o ia ta’ua ai le taua agai i luma o fefaatauaiga ma motu o le Pasefika, e fesoasoani i le atinaeina ma ia malaamalama i auala e faaleleia atili ai le faapaaga i mea tau fefaatauaiga ma motu o le Pasefika.
Ina ia mafai ona iloa ni aiaiga i le lumanai, o tulafono a Amerika, ae o loo iai se silafia i ni tulaga e ono faaletonu ai ni avanoa e unaia ai le siitia ma sologa lelei fefaatauaiga i le va o le malo o Amerika, ma atumotu o le Pasefika, aemaise ai lava ini faaletonu e tula’i mai i nei fefaatauaiga.
Ole manaoga o le vaega o fefaatauaiga a Amerika, ole iloa lea o oni to’a , ma auala e faatupuina ai le sao o Amerika i motu o le Pasefika.
Ma ua afua ai le talosaga mo le faia ole suesuega o taua i luga, e le Komisi, ma sauni se lipoti e mulimulitaia tulafono a Amerika.
Ina ia iloa ma atagia ai tulaga tau fefaatauaiga ile va o motu o le Pasefika ma Amerika , ia iloa itu o loo to’alia ai ma unaia ai loa oloa faatau atu ma auaunaga i Amerika, ae ole sao foi o Amerika ia i atumotu ole Pasefika.
Ile tusa lava lea a Tai, o loo lisi mai ai atunuu e 22 ole Pasefika, e tatau ona fai ai lea suesuega. E aofia ai le tamaoaiga o le Pasefika, aemaise i ana oloa gaosi ma mea o loo maua ai, o oloa mana’omia, fefaatauaiga, ma tulaga tau avanoa faigaluega.
Faatasi ai ma ana oloa maua, ma auaunaga o loo faatau atu i fafo e atumotu, mai le 2017-2021 ma ia iloa tonu vaega o to’alia ai na fefaatauaiga i Amerika.
Ma ia iloa foi, isi atunuu o loo fesoasoani mai ile Pasefika, mai le 2017-2021 , ma mata’itua vaega o loo aafia ai fesoasoani mai le malo tele o Amerika.
Ma ua talosagaina foi le avatu ose taunuuga o lena suesuega, i totonu o le 12 masina amata atu ile aso o le tusi, Sept 29,2022. Ina ia mafai ona tuuina atu lena lipoti atoa faalauaitele, vagana ai ni faamatalaga tau pisinisi ma nisi ma nisi.
Ol e aso 2 o Novema na faalauaitele ai e le Komisi le talosaga a le USTR mose suesuega, ia faia sona faatalanoaga faalauaitele ile aso 14 o Fepuari 2023.
