Suesue le mafua’aga o le maliu o le tasi o pagota

SHARE NOW

E leo mautinoa mai lava le mafuaga tonu na maliu ai le taulealea mai Faleatiu o loo nofo vaavaaia i Tanumalala e talia ai le aso e tulai ai i luma o le faamasinoga maualuga, e tali i ona moliaga.

O le alii pagota lea e 37 le matua o lona soifua ma o ia e atoa iai le toa 5 lea sa lokaina mai i le osofaiga a leoleo i Faleatiu.

Peitai o lipotia mai na oso faafuasei lona ma’i ma faananati atu i le falemai tele i Motootua ma maliu ai lava.

Lipotia e se tasi o ala faasalalau na iai lava aso na omai leoleo ma lenei taulealea e vaai le falemai, ma e leo meaai uma a pagota e tausami ai le ua maliu.

O loo nofo vaavaaia le taulealea e talia ai le aso o lana mataupu, ae ua faamaonia mai e le Komesina o leoleo Auapaau Logoitino Filipo o loo talia suesuega e saili ai le mafuaga tonu o le maliu o lenei taulealea.