Ua taofia ai nei i lalo ole vaaiga a leoleo , ile falemaliu o le Malietoa Tanumafili ll i Tuasivi, le tino ole alii leoleo na maliu i le faaiuga o le vaiaso.
O molimau mai le tatou paaga, o le tama ia Tavita ose alii leoleo e pou i le ofisa o leoleo i Fagamalo.
Peita’i o molimauina ole faaletonu na tupu i le latou fale i po o le Aso Toonai 30 i Iulai. O masalomia sa faasuaaava, ma aafia ai ona lima ma vaega o lona tino i ni manuaga tuga mai tioata ole fale.
Na faataalise atu i le falema’i i Safotu, peita’i na maliu ai lava. Ile vaveao o le Aso Sa na te’a nei, 31 o Iulai. Ma momoli ai e lona aiga ile falemaliu tumaoti.
Ae mulimuli ane logotala iai leoleo ma toe faafoi atu ai le tino ole alii leoleo lea i le falemaliu ole Malietoa Tanumafili ll i Tuasivi.
E maliu le tama ia Tavita, ae o loo soifua mai pea lona faletua ma o la alo e toa tolu.
