Ua faalauiloa mai nei i tua le taunuuga o suesuega fai faapitoa sa fatautaia i aoga High school 2023 a Amerika, e lana Food and Drug Adminstration, USFDA.
Ua iloa ai ile 30 aso ua tuanai, ua faaititia ai le faaogaina o soo se ituaiga o tapaa, ile piliota o le 2022-2023 (16% ile 12.6%) ae o loo sili ai ona faaiifo le faatitia o tagata e ulaina le tapaa uila poo le e-cigarette, (14.1% ile 10%). faapena foi i isi tapaa pei o cigar i fanau aoga maualuluga.
Peita’i na tatou fesiligia le susuga a “DannyBoy” Naha-Ve’evalu, Program Manager, Pasifika Urban Roots ole Samoan Community Development Center i Amerika i sana ia maitau i le tapaa uila o loo ua a’e mai i lenei vaitaimi, ma ia saunoa: o lona “manatu i le tapaa uila e-cagarette/vibe lea ua pei lava ose mea masani ai ona o le faigofie ona faaaoga, ae ole oloa lea, ua ia iloa lona sootaga ile totoga mama (lungs) ole tagata.
“Ua tosina foi iai talavou ona o le auala o loo faaaoga e maketi ai ma maua gofie. Ma faapena foi ona tosina iai tagata matutua i na lava mafuaaga ma avea ose auala e tua iai le au ula tapaa .
Peita’i mo ia ose tagata matua, o saunoa Dannyboy o lona ia lava manatu na’o ia na alu ai foi ma ia pe sa ia faaaogina foi le Vape ona o mafuaaga o ta’ua i luga.
Ae uma ane ua tele lava aafiaga o ia na maua mai ai, ma ia iloa ai le amata ona aafia lona ala manava.
Ua na misia le faigofie ona faaaoga ma feavea’i, peita’i ua tele sona iloa iai i aafiaga ole vape ia te ia.
Ma e nate le faamasinoina fua isi tagata, ma latou vaping, talu ai ua ia iloa ma faasoa mai sana ia tala ina ua tatou fesiliga.
Ae pau le tulaga sa sili ai le tapaa uila, e leai sona manu sikaleti,
Ole Susuga a Danny boy, ina ua tatou feisligia ise auala e taofia ai tagata mai le ulaina ole tapaa uila, : faimai, e nate lagolagoina le aia tatau a le tagata matua e filifilia , ae ole aia tutusa foi lena e faataua ai le faailoa atu ole taua o aafiaga ole soifua maloloina .
Ae o auala e faalauiloa ai le e-cigarette, e mafai ona faatino e fanau talavou ua popoto lava e una’i i auala o aso nei, ia talia gofie ai e isi foi talavou, ae o le fesoasoani a matua , ta’itai lotu, ma faalapotopotoga e galulue faapaaga ma soosoo tauau, e amata kemupeni mo soifua manuia ma maloloina o o tatou tagata.
Ma faaiu mai ai le tala a Dannyboy, e nate le fautuaina i soo se tagata lava le faaaoga ole tapaa uila poo le Vape E-cigarette.
