E amata atu i le tausaga nei ona le toe faamanatu le sisiga fu’a e pei o isi tausaga.
E pei ona silafia ua toe oni nai vaiaso ona aulia lea ole aso e faamanatu ai le tutoatasi o le atunuu, lea e atoa iai le 62 tausaga talu ona saoloto Samoa mai faiga faakolone I tausaga ua mavae.
O le masani lava e faamanatu lenei aso I faafiafiaga, tuugafautasi o siva ma maketi, peitai I se feiloaiga a le aiga faasalalau ma le komiti ole tutotasi a le atunuu I le aso, na faailoa ai ua iai ni suiga ua maea faatalanoaina. Muamua, olea tele le faamanatuina o tausaga tetele e pei ole 65, 70, 75 agai I luga tausaga, ae o isi tausaga e pei ole 62 I le tausaga nei agai atu ile 64, o lea le toe faamanatuina e pei ona masani ai.
Saunoa manino le afioga ia Agafili, o lenei faiga ina ia ave le faamuamua I nuu ma afioaga e tusa ai o a latou foi faamanatuga ma faatinoga ua faamoemoe iai e fiafia ma faataua ai le aso na tutoatasi ai le atunuu
. Lua, e faatoa faatino le sauniga lotu aloaia ile aso Sa, aso 2 o Iuni e tatala aloaia ai le tutoatasi, ona sisi lea ole fua ile aso 3 ole aso Gafua lea o Iuni lava ele malo e aofia ai ma le afioga I le ao ole malo ma tapunia ai lava I lea aso.
O nei faiga o se taimi muamua lenei ua faatino ai e le komiti ole tutotasi nei suiga, e leo iai se agaga o le malo ina ia le faatauaina le aso ole tutoatasi ole atunuu, ae ole agaga maualuga ia mafai ona faamanatu uma e afioaga e aunoa ma le malaga mamao mai e molimau ma maimoa I faafiafiaga I le taulaga, aemaise e leo afioaga uma e maua le avanoa e molimau ai faamanatuga tetele e pei ona masani ai.
Ua faailoa aloaia ai foi ile feiloaiga lenei a le komiti ole tutoatasi ma le vasega ole au faasalalau ole aso Gafua aso 3 o Iuni le aso malolo mo le fu’a.
