Ua folafola mai e le Minisita o Galuega, Olo Afoa Fiti Vaai, i luga ole nusi pepa a le malo le Savali, ile vaiaso nei, pe’a tusa ai ma fuafuaga, ua iai nei mo le malae vaalele sa fuafua e fausia i Tiavea, o le’a suia e avea ma malae e faatutu ai solar panels, e gaosia ai le uila mai le la.
Na ta’u e Olo ile nusipepa a le malo, ole faaiuga e tipi i tua le malaevaalele, ia faaaoga ai tupe faitau miliona a le malo, na faaalu i le faatauga o fanua ma faalaumama.
A faatutu ai solar panel e aoga tele e invesi ai le tupe, mo le eletise faafouina lea o loo fuafua ia oo atu ile 2025 ua 100 pasene le kava a le uila mai le malosi faafouina mo Samoa.
Taimi nei na’o le 30% ua iai o le taumafai ai ole lalolagi ia gaosia mai le uila mai le la, ole vai , savili ma isi elemeni e maua ia le uila lea fou o loo ave iai le lagoalgo a Samoa, e le gata ina taugofie, ae o le puipuia ai ole siosiomaga, ma aafiaga o le afuafu o le lalolagi i kasa mai fale gaosi oloa ma le gaosiaga ole suauu lea e le gata ina faatitia ae ua siitai lava lona taugata ma siitai ai le tau o le soifua i le tele o malo ole lalolagi.
O ta’ua e le afioga a Olo i le pepa a le malo, pe’a sologa ai pea, e oo atu ia Oketop Novema o le 2025 ua tino mai le faamoemoe o solar panels i Ti’avea.
